Laugar í Sælingsdal

Hjólið hjá Bæring bilaði í dag. Afturgjörð beyglaðist og fór Jóna með bæði hjólin áleiðis til Búðardals til að athuga hvort ekki væri hægt að laga þau. Við eftirgrennslan var Jónu bent á bónda á Svarfhóli. Kom í ljós að hann átti allskonar gjarðir svo hægt var að skipta um hjá Bæring. Síðan sauð hann saman stellið á hjólinu hans Jóa svo nú geta þeir aftur tekið þátt í ferðinni. En á meðan þau fóru, héldu hetjurnar okkar áfram að hjóla í lemjandi rigningu. Þau komu að Skriðulandi í Svínadal og fengu góðar móttökur, þar sem eigandinn tók á móti þeim með heitu kakói, því þau voru köld og blaut. Einnig fengu þau heitt vatn í núðlurnar sínar og fengu að borða nestið sitt þar. Síðan héldu þau áfram að Laugum í Sælingsdal þar sem farið var í sund. Þau eru að tjalda núna og fara svo að borða. Ætlunin er að fara snemma að sofa og vakna snemma til að leggja í hann aftur.

 

Athugasemdir

[Sigurrós Sigurðardóttir (IP-tala skráð) 15.6.2009 kl. 01:16]

Gangi ykkur rosalega vel ,gaman hvað þið fáið allstaðar góðar móttökur.Við vorum að koma úr Grunnavík og erum búin að hugsa mikið til ykkar,Sendum ykkur baráttukveðjur þið eruð hetjur Ísfirðinga .

Gangi ykkur vel.

Sigurrós og Friðrik.

[Gylfi Þór Gylfason (IP-tala skráð) 15.6.2009 kl. 01:34]

Lýst vel á framtakið og fylgist með fram á lokadag.

Gylfi Þór í Hamri

[Gudni Viggosson (IP-tala skráð) 15.6.2009 kl. 07:27]

Thad var gaman ad lesa um ykkur. Frábaert ad thad var haegt ad laga hjólin.
Ótrúlega vel gert hjá ykkur!

Ég kann ekki svo mikid um landafraedina á leidinni, er mögulegt ad thid leggid inn kort á síduna?

kvedja
Gudni í Svíthjód

[Hildur Eiðsdóttir (IP-tala skráð) 15.6.2009 kl. 09:38]

Þið eruð algjörar hetjur og ég er ótrúlega stolt af ykkur. Gangi ykkur vel með restina.

Baráttukveðjur.  Hildur og Reimar

[Haukur Haraldsson (IP-tala skráð) 15.6.2009 kl. 09:41]

Flottir Ísfirðingar!

Mikill kraftur er í ykkur, krakkar. - Brotið hjól, beyglaðar gjarðir og ill færð á fjallaheiðum. Þið klárið þetta allt saman!

Það verður gaman að hitta ykkur á Landnemamótinu í Viðey!

- Góða ferð áfram.

Haukur, Landnemi.

[Ingibjörg og Hæi (IP-tala skráð) 15.6.2009 kl. 11:14]

Gaman að geta fylgst svona með ykkur :-) Þið eruð sko hetjur og mikið er gott að góður bílstjóri passi upp á ykkur á hjólin :-) Frábært að sjá hve góðar mótttökur þið fáið. Gangi ykkur vel með framhaldið og passið ykkur á umferðinni, sem mun nú aukast dag frá degi

Bestu kveðjur til ykkar allra frá okkur Ingibjörgu og Hæa